عدد الرسائل : 6 نقاط : 16 تاريخ التسجيل : 06/01/2010
موضوع: فهمان الفصيح الأربعاء 06 يناير 2010, 5:25 am
أعزائي الأصدقاء……أقص عليكم هذا اللقاء ……خرجت من بيتى لأبتعد عن مشاهدة التليفزيون لما فيه من برامج ترفع الضغط …برامج نقد لهذا وهذا سمعت منها الكثير وكل ذلك دون جدوى النقد منذ سنوات ولا يوجد جديد هو استهلاك لساعات الإرسال ورزق الإعلامين والساده الضيوف…ومشت قدماى الى أن شعرت بالتعب فجلست على إحدى المقاهى على أريح قدمى ..وجانى الجرسون يسأل: تشرب ايه فطلبت مشروبى ولا أدرى كيف طلبته..لا تتعجب فانا أذكر هذه الجمله لما ستعرفه الآن..فقد قرب شخص منى وبعد ان ألقى السلام طلب الجلوس معى وطلب التعرف ولما سألته عن السبب قال طريقة طلبك المشروب تقول إنك فى حاله نفسيه سيئه..تعجبت ..وساورنى شك أنه طبيب نفسانى قلت أحكيله ممكن يريحنى نفسيا وأهو كشف ببلاش نعوض حتى ثمن المشروب..وحكيتله عن البرامج والنقد الواضح بها من وقت طويل دون فائده..وخاصه غلاء الأسعارفما انهيت حديثى إلا وخر من الضحك حتى ظننت أننى غير متذن فى حوارى…وسألته وأنا غاضب: ..بتضحك على آيه هو انا قلت حاجه غلط أو أنا عملتها على روحي يا سيد؟؟؟؟؟؟حاول التماسك من الضحك وقال لا والله أصل الناس مش فاهمه حاجه .لمعت عينى ودققت السمع حتى لا يفوتنى الشرح الذى ألمحه فى حديثه وقلت فى نفسى الحمد لله سيشرح لى وأفهم واستريح..وبادرته بالسؤال فهمنى؟؟؟قال الشعب لا يعرف مصلحته الغلاء مش عشان نجوع لاسمح الله الغلاء عشان نرشد الطعام حتى لا نصاب بتخمه أوأمراض السمنه وغيرها من الأمراض وعشان نحس بأهل الصومال وغيرهم كتير دا إحنا المفروض نقدم الشكر ليل ونهار للحكومة على كده إوعى تبص إنهم بياكلوا منتجات بدون كماويات من الأراضى الجديدة وإنهم اتملكوا فى مارينا وما شابه يااأهبل دى هدايا لهم من رجال الأعمال ..عشان الحكومه تخلى بالها مننا عشان احنا اللى بنشترى منتجاتهم لأن رجال الحكومه بيشتروا المستورد عشان يوفروا لنا المحلى يقوم سعره يرخص ويرفعوا عنا المعاناة المغرضون يقولون أن الحكومة بتشترى مستورد عشان هم عارفين الغش الداخل فى المنتج إوعى ياعبيط تصدق…دا الحكومه بتحب شعبها وبتعمل لمصلحته وإذا كان على النقد دا برضه متفق عليه لانه علاج..... .قاطعته..وسالته: علاج.........؟؟ ازاى؟قال لما الناس المغرضة والوحشة تسمع هذا النقد تقوم تفرغ الشحنة اللى عندها وتحط لامؤاخذة جزمة فى بقها وتسكت بس إنت مش فاهم قلت له شكرا يا ...... صحيح أنا لم اتعرف عليك قال أنا أستاذ فهمان دكتور فى الاقتصاد ….قلت فى نفسى صحيح يا اولاد العلم نور وأنا كنت مضايق وفاهم غلط وقمت حاسبت على مشروبى ومشروبه لأن دا أقل واجب أعمله معه بعد أن فهمنى الحقيقة الغائبة………وإلى لقاء آخر ـــــــــــــــــــــــــــــــــــــــــــــــــــــــــــــ تحياتي أسد ـــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــــــــــــــ متابعة فنية ومراجعة السيد جلال
ozorees Admin
عدد الرسائل : 383 نقاط : 703 تاريخ التسجيل : 29/11/2008
موضوع: فهمان الفصيح الأربعاء 06 يناير 2010, 2:40 pm
يا أسد....هوه فيه أسد بيقعد على القهوة ويطلب كماااان !! الأسد بيقعد على كرسي المملكة،وأوامره مطاعه مش يسيب الغابة تضرب تقلب وكمان زعلان !! أما إنك.....أسد صحيح......