غيط الزيتون-إلقاء

عدد الرسائل : 4 نقاط : 12 تاريخ التسجيل : 16/09/2009

هذه القصيدة من تـأليف أبي وأرجو أن يعجب حضراتكم إلقائى للقصيدة
وأشكر الأستاذ / عبدالله شعبان علي تعليقه وإن شاء الله أكون عند حسن
ظن الجميع شروق
غيـط الزيتــون
شعر/ السيد جلال
جدى عمر فلاح أصيل
يعرف كتير وكتير عن الزراعة
بعد صلاة الفجر والتسبيح بحمد الله
زرع فدان زيتون
لاجل الأمم كلها م تشوف
جمال الغصون
خضرة منعنعه .. وتحلف اننا
مش بس بنزرع... لأ
وعلمنا الوجود إزاى يكون
وإزاى تكون روح الجماعة
وجدى كان دغرى رجل طيب ...
لا يحب منا العيب ، ولا يعيب
يزرع ويجمع بس ، ودايما ف حاله
راضي بقسمته ومواله
ما يحبش الغدر ولا عماله
جم له جيران وحشين
ف الضلمة مجتمعين
وخططوا واتفقوا
وجم علي غيط الزتون
حتتك بتتك ....
وقطعوا الغصون
حتى الحمام طار م الغضب ما رجعش
وكتير شالوه ف النعش
لما النهار طلع،والشمس كانت ف السما
والغيط بقى خريف
زهوره معدمه
الناس بقت حزينه ع اللى حصل
واتجننت م الحزن
ماهى صحيح حاجة تجن
لا طير بقى يصدح
و لا نحلة تزن
وعيال عمامى وجدودى بكوا
ولسه لدلوقتى بيبكوا
أما أنا وانتم ح نزرع أرضنا
تانى بأشجار الزيتون
وكلنا نبقى حرس
نرعى الغيطان برموش العيون
مش يبقى دا واجب علينا
لأهلنا واولاد العموم....؟؟؟

السيد جلال
مارس ـ1998
ـــــــــــــــــــــــــــــــــــــــــــــــــــ

ما شاء الله لا قوة الا بالله
هايلة يا شروق
ان شاء الله هتبقى حاجة عظيمة جدا فى الشعر
ومش بعيد ان يجنى ابا عبد الله ثمار جهد السنين من موهبة شروق الابداعية
ربنا يحميكى ويبارك فيكى
يا شرووووووووووووووق

شكرا يا أستاذ عبد الله
إن شاء الله نشوف يوسف مبدع كبير
وشروق نكون أفضل بتوجيهاتكم

[b]أما أنا وانتم ح نزرع أرضنا
تانى بأشجار الزيتون
وكلنا نبقى حرس
نرعى الغيطان برموش العيون
مش يبقى دا واجب علينا
لأهلنا واولاد العموم....؟؟؟

طبعا ده واجب علينا لأهلنا واولاد العموم
بارك الله في شروق ووالديها وأخويها

» غيط الزيتون-إلقاء