اتفضل خش ذاكر

لكل ابهاات وامهات المنتدى ارجو القراءة بعنااية




متهيألي لو حد عندة اولاد وقرأ اسم التوبيك هيفتكر جملة بيقولها كتير
وهي :
( خش ذاكر ) ..
الكلمة دي يمكن كل اب وكل ام بيقولوها لاولادهم كل يوم
بس الكلمة دي في نظري لازم يكون ليها توقيتات معينة
مش في اي وقت اقول لابني او بنتي ادخل ذاكر
توقيت الكلمة دي في رأيي بيترتب علية حب الطفل او كرهه للمذاكرة فيما بعد .
طبعا لحد دلوقتي انا بقول اي كلام ومحدش فهم حاجة .
تعالو نحكي موقف هتفهموا قصدي منو
مثلا : الاب رجع البيت لقى ابنو مثلا كسر حاجة وهو بيلعب او عرف انو طول النهار كان بيلعب او مكنش في البيت


اول الاب مايشوف ابنو يقولو : خش ذاكر .
التوقيت دة غلط جدا ومتنفعش تطلع فية الكلمة .
لانا هنا خلينا المذاكرة عقاب على الغلط اللي عملو الطفل .
مثلا : انت كسرت الكوباية تاني ! ؟ طيب اتفضل خش ذاكر .
بأت المذاكرة بالنسبة للطفل دة من صغره هي عقاب
بيتأمر انو يعملها بعد كل غلط بيعملو
ومن هنا يبدأ احساس الكراهية للمذاكرة والتعليم ككل .
ودة طبعا بيزودوا غباء وعدم وعي من بعض المدرسين في المدارس
مثلا المدرس يلاقي طفل بيتشاقى كتير في الفصل او بيضرب زمايلة او او او ..
بيكون عقابة انو يديلو واجب اكتر من زمايله
وبالتالي حتى الواجب اللي واخدو عشان يحلو او يفكر فية بيعملوا على انو عقاب
وبالتالي بيعملو وهو كارهه .
كل دي حاجات تعتبر سبب اساسي لكره اطفالنا للتعليم والمذاكرة عموما
واهم سبب هو تربية الطفل من صغره على ان المذاكرة هي عقاب على اي حاجة غلط بتعملها

وبالتالي مفيش اي حب للمذاكرة ولا التعليم من صغرنا .
بنستغرب اوي لية الناس اللي في اوروبا بيحبوا التعليم اوي كدة ؟
سألت مرة حد قالي رد ضحكني اوي
قالي الناس دي ربنا خالقهم كدة !
وكأن مثلا احنا اللي علينا لعنة من ربنا : اننا نعيش ونموت نكره التعليم .
ونرجع نقول ان البلد بايظة والبلد مفيهاش تعليم والبلد والبلد والبلد !
ممكن يكون الفصل فية مليون طالب وجو غير ملام للدراسة تماما بس فى البييت انت دورك ايية ؟
بس
وتفضل البلد شماعة لكل غلط احنا بنعملوا
الاب اللي بيجيب عيب التعليم على البلد
ميعرفش انو اصلا مربي ابنو على انو يكره المذاكرة من صغرة لانه خلى المذاكرة بالنسبالو عقاب على كل غلط يعملوا او معظم اخطاؤه .
حاسس اني طولت ورخمت ههه
بس حبيت اكتب لاني لاحظت الموقف دة بيتكرر كتير اوي بدون وعي من ابهات وامهات كتير جدا
ياريت نخلي بالنا اوي في التعامل مع اطفالنا خصوصا في الحاجات اللي بيها هيعيشوا بعدين
واوعوا تخلوا المذاكرة عقاب لاطفالكوا .